शारदीय काव्य उत्सव सम्पन्न

काठमाडौं । त्रिशूली वाङ्मय प्रतिष्ठानको आयोजना र कौशला लामिछाने स्मृति कोषसँगको सहकार्यमा शारदीय काव्य उत्सव २०८१ कार्यक्रम सम्पन्न भएको छ । एपेक्स विजनेश होटल एयरपोर्टमा भएको कार्यक्रममा कौशला लामिछानेको मनोभाव गजल सङ्ग्रहको सार्वजनिकरण गरिएको थियो ।

शारदीय पर्व दशैं, तिहार र छठपर्वको शुभकामना र अतिथि कविका कविता वाचन गर्ने कार्यक्रमको मुख्य उद्देश्य रहेको त्रिशूली वाङ्मय प्रष्तिष्ठानका अध्यक्ष आर एम् डंगोलले बताउनु भयो । तीन घण्टा लामो कार्यक्रममा २४ जना अतिथि कविहरूले कविता वाचन गर्नुभएका थियो ।

प्रकाशित कृति बारे गजलकार प्रभाती किरण र वाचित कवितामाथि श्रीहरि फुयाँलले सटिक टिप्पणी गर्नुभएको थियो ।

नेपाल प्रज्ञा प्रतिष्ठानका पूर्व उपकुलपति प्रा.डा. जगमान गुरुङको प्रमुख आथित्यता र विशेष अतिथिमा बरिष्ठ कथाकार भागीरथी श्रेष्ठ रहनु भएको थियो ।