मोहर डिजिटल प्रालिको लाइसेन्स खोसियो

काठमाडौं। नेपाल राष्ट्र बैंकले मोहर डिजिटल प्रालिको अनुमति खारेज गरेको छ। कम्पनीले भुक्तानी तथा फर्स्योट ऐन, २०७५ को दफा ३६ को खण्ड (छ) र (ज) बमोजिमको कसुर गरेको देखिएकोले अनुमति खारेज गरिएको राष्ट्र बैंकको भुक्तानी प्रणाली विभागले जनाएको छ।

उक्त कम्पनीले भुक्तानी सेवा प्रदायकको रूपमा काम गर्ने गरी २०७६ असोज ३० गते अनुमति पाएको थियो।

विभागले उक्त संस्थाले जारी गरेका भुक्तानी उपकरणहरूको प्रयोग गर्ने ग्राहकलाई कुनै दायित्व बाँकी रहे सम्बन्धित संस्थामा सम्पर्क गर्न एक सूचनामार्फत आग्रह गरेको छ।