बैकको नाफा ४४ प्रतिशतले बढ्याे
काठमाडौँ । एभरेष्ट बैकको नाफा ४४ प्रतिशत बढेको छ। गत आर्थिक वर्षको अन्त्यसम्म बैंकले २ अर्ब ५४ करोड रुपैयाँ खुद नाफा कमाएको हो। जुन पोहोर असार मसान्तसम्म एक अर्व ७७ करोड रुपैयाँ सिमित थियो। यो ४३.७७ प्रतिशत वृद्धि हो।
विशेषगरी बढेको आम्दानीसंगै बढेको संचालन मुनाफाले गर्दा नाफामा उल्लेख्य सुधार देखिन्छ। बैंकको खुद ब्याज आम्दानी यस अवधिमा ३७ प्रतिशत र खुद फि तथा कमिसन आम्दानी ३४ प्रतिशत बढेको हो। बैंकले ५ रब ४२ करोड रुपैयाँ खुद ब्याज आम्दानी गरेको छ।
बैंकको कर्जा बिस्तार भने १४ प्रतिशत बढेको हो। निक्षेप ८ प्रतिशत मात्र बढेको छ। गत आर्थिक वर्षको अन्त्यसम्म बैंकले एक खर्ब ७२ अर्ब निक्षेप संकलन गरेर एक खराब ४५ अर्ब ऋण दिएको हो।
कर्जासँगै बैंकको कर्जा जोखिम व्यवस्थापन बापतको रकम पनि बढेको देखियो। उक्त शिर्षकमा बैंकले अघिल्लो आर्थिक वर्षको भन्दा ७६.४१ प्रतिशत धेरै रकम छुट्याएको हो। पोहोर असार मसान्तमा २६ करोड रुपैयाँमा सिमित यस्तो रकम अहिले ४६ करोड भन्दा धेरै छ।
बैंकको निष्क्रिय कर्जाको अनुपात पनि शत प्रतिशत बढ्यो। ०.१२ प्रतिशतमा सिमित बैंकको यस्तो अनुपात असार मसान्तसम्म आइपुग्दा ०.२४ प्रतिशत पुगेको छ।
बैंकले कर्मचारीहरुको तलब भत्तामा पनि अघिल्लो आर्थिक वर्षको भन्दा २३ प्रतिशत अबधि रकम खर्च गरेको छ। अन्य संचलन खर्च पनि सामान्य बढेका छन्। यसका अबब्जुद बैंकको संचालन मुनाफा ४३ प्रतिशत बढेको देखिन्छ। उल्लेख्य रुपमा बढेको संचालन मुनाफाले नाफामा टेवा पुर्यायो।
समिक्षा अवधिमा बैंकसँग ३ अर्ब ८९ करोड रुपैयाँ वितारण योग्य मुनाफा छ। जसका आधारमा गत आर्थिक वर्षका लागि बैंकले आफना सेयरधनीहरुलाई ४१ प्रतिशत लाभांश दिन सक्छ।
बढेको खुद नाफाले बैंकको प्रतिसेयर आम्दनी पनि बढ्यो। ७ रुपैयाँ बढेर प्रति सेयर आम्दनी २७.०१ रुपैयाँ कायम हुन पुगेको छ। चुक्ता पुँजीको अनुपातमा खुद नाफा धेरै बढ्दा प्रति सेयर आम्दानीमा पनि सुधार देखिएको हो।
अघिल्लो आर्थिक वर्षको तुलनामा बैंकको चुक्ता पुँजी ६ प्रतिशत बढेको छ। असारसम्म तथ्यांक अनुसार बैंकको चुक्ता पुँजी ९ अर्ब ४६ करोड रुपैयाँ हो। र जगेडा कोषमा थप ९ अर्ब रुपैयाँ संचित छ।
यसै अवधिमा बैंकको प्रति सेयर नेटवर्थ ८.१७ रुपैयाँ बढेर २४०.७३ रुपैयाँ कायम हुन पुगेको हो। र धितोपत्र बजारको अन्तिम कारोबार मूल्य ४८० रुपैयाँका आधारमा बैंकको मूल्य आम्दानी अनुपात १७.७७ गुणा छ।




फेसबुकबाट तपाईको प्रतिक्रिया