निक्षेपकाे ब्याज दरमा अस्वस्थ प्रतिस्पर्धा
६ वटा बैंकहरूले बढाए निक्षेपमा ब्याज दर !
नेपालमा २० वटा “क” वर्गका वाणिज्य बैंकहरू रहेका छन । त्यसमध्ये एनएमबी बैंकले १०.९८% ,प्राइम कमर्सियल बैंक र एनआईसी एसिया बैंकले १०.९३% ,नबिल बैंकले १०.४९%, कुमारी बैंकले १०.०१ % , एभरेस्ट बैंकले निक्षेपमा १०% ब्याज दिने घाेषणा गरेका छन। यसले यी बैंकहरूमा तरलता कम छ, लगानी गर्ने पुँजी कम छ, कर्जा नउठने जाेखिम बढी छ र खराव कर्जाकाे प्रतिशत बढदै छ भन्ने कुरा ब्याज दर बढी दिएर बचत निक्षेप तान्ने र बैंककाे तरलता अभाव र कर्जा असुली र खराव कर्जा जाेखिम कम गर्न खाेज्दै छन भन्ने कुरा निक्षेपमा बढी ब्याज दर दिएर बढी निक्षेप तान्न खाेजेबाट थाहा हुन्छ।
यसैगरि हिमालय बैंक,ग्लाेबल आइएमई, नेपाल इन्भेस्टमेन्ट मेगा,सिटिजन्स र लक्ष्मी बैंकले ९.९% निक्षेपमा ब्याज दिने घाेषणा गरेका छन। यी बैंकहरू सन्तुलनकै अवस्थामा रहेका छन भन्ने बुझिन्छ। यस्तै कृषि विकास बैंकले ९.५१%,सिद्वार्थ र प्रभू बैंकले ९.५%, सानिमा बैंकले ९.२५%, नेपाल एसबीआई बैंकले ९.१, माछापुच्छ्रे बैंकले ९% निक्षेपमा ब्याज दिने घाेषणा गरेका छन। यी बैंकहरूकाे अवस्था केही सुदृण हाे कि जस्ताे बुझिन्छ। त्यसैगरि राष्ट्रिय वाणिज्य र नेपाल बैंकले ८.९९ % र स्ट्यान्डर्ड चार्टर बैंकले ८.९५ % निक्षेपमा ब्याज दिने घाेषणा गरेका छन। यी बैंकहरूमा तरलता अधिक भएकाे जस्ताे देखिन्छ। नेपालका माडवारी उद्याेगी र व्यवसायीहरूले सञ्चालन गरेका एनएमबी,प्राइम,एनआईसी एशिया,नबिल र कुमारी बैंक लि. काे खराव कर्जा बढेकाे जस्ताे देखिन्छ। यी बैंकले अहिलेकाे अधिक तरलताका अवस्थामा पनि १० प्रतिशत भन्दा माथिदेखि झण्डै ११ प्रतिशत ब्याज दिएका छन। याे ब्याज दर किन घाेषणा गरेका छन। यश बारेमा नेपाल राष्ट्र बैंकले सूक्ष्म अध्ययन गर्नु पर्दछ।
राष्ट्रिय वाणिज्य बैंक,नेपाल बैंक र स्ट्यान्डर्ड चार्टर्ड बैंकले मात्र ९% भन्दा कम ब्याज दिएका छन। यसरी बैंकहरू बीचमा अस्वस्थ प्रतिस्पर्धा र निक्षेप खाेसाखाेसले भाेली अप्ठ्यारो अवस्था आउन सक्छ। यसरी नै निक्षेपमा ब्याज दर खुला छाडने हाे भने अर्काे भदाै महिनामा निक्षेपमा ब्याजदर ११ प्रतिशत भन्दा बढने र लगभग १२ प्रतिशत छुन सक्ने देखिन्छ। नेपाल बैंकर्स संघले बैंक दरकाे कार्टेलिङ हटाएपछि खुला बजारले अस्वस्थ प्रतिस्पर्धालाई बढवा दिन पुगेकाे छ। मैले पहिले निक्षेपमा ब्याज दर बढदैछ है भनेकाे थिए,आखिर ६ वटा बैंकले निक्षेपमा ९.९ प्रतिशतकाे असार मसान्तसम्मकाे ब्याज दरलाई १०.९९ प्रतिशतसम्म बढाए। यसले अब ऋण लगानीमा पनि ब्याज दर साेही अनुपातमा बढाउछन। त्यसले महंगी बढाउने छ, लगानी घटाउने छ। लगानी घटनासाथ निर्यात,राेजगारी र राजस्व रकम पनि स्वाभाविक रूपमा घटने छ। त्यही भएर आगामी दुई आर्थिक वर्ष नेपालमा आर्थिक मन्दी हुने जस्ताे लक्षण देखिरहेकाे छ । सबै लगानीकर्ताहरू “पर्ख र हेर”काे अवस्थामा रहेकाे देखिन्छ। किशाेर शर्मा




फेसबुकबाट तपाईको प्रतिक्रिया