काठमाडौं । हलेसी प्रतिष्ठानले बिक्रम संवत २०८० को शुभकामना आदान प्रदान गर्दै भित्तेपात्रोको लोकार्पण गरेको छ । प्रतिष्ठानले आज काठमाडौंमा एक कार्यक्रम गर्दै भित्तेपात्रो लोकार्पण गरेको हो ।

कार्यक्रममा संस्थाका सल्लाहकार तथा कार्यक्रमका प्रमुख अतिथि डा. एविन्द्र रुम्दाली राईको प्रमुख आथित्यतामा सम्पन्न भएको थियो । कार्यक्रमको अध्यक्षता संस्थाका अध्यक्ष डेकिन्द्र कुमार राईले गरेका थिए ।

कार्यक्रममा संस्थाका सल्लाहकार भोगीराज राई, खम्बराज राई, सुविन्द्र गिरीलगायत संस्थाका पदाधिकारी एवम् सदस्यको उपस्थिति रहेको थियो । साथै किरात राई यायोक्खाका अध्यक्ष तथा महासचिवको समेत कार्यक्रममा उपस्थिति रहेको थियो ।

कार्यक्रममा बोल्दै सल्लाहकार भोगीराज राईले संस्थाले ढिलो नै भएपनि भित्तेपात्रो प्रकाशनलाई निरन्तरता दिएकोमा धन्यवाद ज्ञापन गरे । आगामी दिनमा समयको परिपालना गर्न पनि उनले सुझाव दिएका थिए । कार्यक्रममा प्रमुख अतिथि डा. एविन्द्र राईले पातलिदै गएको संस्थागत कार्यमा आफु लामो समयपछि सहभागी भएको बताउदै यस्ता कार्यक्रमले नवयुवामा ऊर्जा भर्ने बताए ।

कार्यक्रममा संस्थाका सचिव बोधराज पौडेलले स्वागत मन्तव्य राखेका थिए भने सुविन्द्र गिरीले शुभकामना मन्तव्य दिएका थिए । कार्यक्रमको संचालन महासचिव उमेश राईले गरेका थिए ।