घटाउने तत्वको सक्रियता कायमै

आइतवार साताको पहिलो दिन नेप्से उक्लिने धेरैको अनुमान फेल खाएको छ । शुरुमा नेप्से उक्लन खोजेपनि ओरालो धक्लने तत्व नै हावी रहयो ।

बजार नियमित कारोबारको शुरुवाटमा उकालो लागेको थियो । शुरुको आधी घण्टामा आजको उच्चतम विन्दु १९३९।४३ मा नेप्से पुगे पश्चात नेप्से ओरालो लाग्यो । करिब १२ बजेबाट तीब्ररुपमा ओरालो लागेको नेप्से पौने १ बजेतिर थामिएको थियो । यसपछि सामान्य तल माथि भई, अन्तिम समयमा आजको न्यूनतम विन्दु १९२२।२२ सम्म नेप्से पुगेपछि यसभन्दा केहि माथि १९२६।४० विन्दुमा बजार बन्द भयो ।

बिहीबारको तुलनामा आइतबार कारोबारझिनो अंकले  (भोलुम) ६% ले घटेको छ । करिब एक अर्ब ७ करोड बराबरको कारोबार भएको छ । कुल कारोबारलाई १० मिनेटको अन्तरालमा विभाजन गर्दा  अन्तिम १० मिनेटमा आजको तुलनात्मक उच्च भोलुम आएको छ र बजारलाई थप तल ओर्लन रोकेको छ ।

सेयर बजारलाई प्राबिधिक सूचकहरूवाट हेर्दा, आइतबार बोलिंजर ब्यान्ड (Bollinger Band) को तीनवटै रेखा समान्तर हुन सक्ने संकेत गरेको छ ।यसले ब्यान्ड थप खुम्चिने संकेत गर्दछ । नेप्सेतल्लो रेखा भन्दा माथि नै रहेको छ । नेप्से पुन ओरालो लागेमा तल्लो रेखामा टेवा पाउने संकेत गर्दछ । नेप्से पुन: साईडवेजमा खेल्ने हो कि भनी अनुमान valid नै रहेको छ ।


पिभोट फिबोनाची (Pivot Fibonacci)अनुरुप नेप्से दोस्रो टेवा रेखा (Support, S2) तिर नगई माथि नै फर्केको छ । यस साता उकालो लागेर पहिलो टेवा रेखा (Support, S1) लाई तोडेको खण्डमा पिभोट तह सम्म नेप्से जान सक्छ । नेप्से २००० को तहलाई कट्ने सम्भावना रहन्छ ।

नेप्से घटेसँगै भोलुम घटदै जानु सकारात्मक संकेत हो । तरलता अभाव घटदै गईरहेको छ । राजनीति स्थीरताको बाटोमा रहको छ । यस्तो अबस्था नेप्से ओर्लदै जानु स्वाभाविक होईन ।

सानो संख्यामा रहेको ठूला तथा खेलाडी लगानीकर्ताले मात्र बजार चल्ने होईन । ठूलो संख्यामा रहेको साना तथा आम लगानीकर्ता आफ्नो गच्छे अनुसार बजारमा सक्रिय सहभागी भई राखेमा ठूलाको एकल बलबुत्ताले मात्र नेप्सेलाई धेरै तल लान सक्दैन । यो तथ्यलाई आइतबार पनि बजारले औल्याएको छ । आम लगानीकर्ताले आफ्नो पोर्टफोलियोमा सेयर थुपारेर मात्र राख्नु भन्दा चलायमान बनाउँदा र रणनैतिक उपयोग गर्दा ठूला लगानीकर्ताको दवदवा हुन गार्है पर्छ ।

(तथ्यांक स्रोतः www.nepalstock.com.npतथा www.nepsealpha.com।