कति दिन टिक्ला आशाको किरण ?

अघिल्लो बिहीबार अप्राकृतिकरुपमा घटाईएको बजार आज थामिएको छ । आज पनि घटाईने अबस्थामा रहेको थियो तर सो हुन सकेन । तर अन्तिममा केही अंकले भए पनि बजार हरियो नै भएको छ । नेपालको सेयर बजार ठूला लगानीकर्ताको मुठ्ठीमा रहेता पनि, ठूलो संख्यामा रहेको आम तथा साना लगानीकर्ताको भुमिका पनि महत्वपूर्ण हुँदै गएको छ । आम लगानीकर्ता बजारमा सक्रिय हुँदा र रणनैतिक लगानी गर्दा बजारलाई ठूलाले मात्र बजारलाई धेरै दिनसम्म नियन्त्रणमा राख्द सक्दैन । आज पुन यसको पुष्टि भएको छ ।

बिहीबार अप्राकृतिक ढंगले घटेको माईक्रोफाईन्यासका सेयर मूल्यहरु, आज कुनै सकारात्मक रहयो भने कुनै नकारात्मक रहयो । सकारात्मक र नकारात्मक रहेको दुबै अबस्थामा कुनै पनि माईक्रोफाईन्यास कम्पनीको मूल्य सर्कित तहमा बन्द भएन । यो बिहीबारको अप्राकृतिक घटाईमा आम लगानीकर्ताहरु या त पन्छिएको वा धैर्यता कायम गरेको या त तल्लो तहमा लगानीको लागी मौका पर्खेको संकेत हो । बिहीबारको घटाईको दिन सर्कित तहमा माईक्रोफाईन्यासका सेयर किन्नेहरु शून्य थियो । तर आज किन्न चाहनेहरु बिहीबारको मूल्य वा सो भन्दा माथिको मूल्यमा पनि किनिरहेका थिए ।

नेप्सेको क्यान्डल चित्र विश्लेषण गर्दा आज धेरै पछि क्यान्डलले पुन लामो पुच्छर बनाएको छ । यस्तो लामो पुच्छर नेप्सेमा गत २४ जुन २०२२ मा बनेको थियो । तत् पश्चात त्यतिबेला ओरालो हिँडिरहेको बजार उकालो फर्केको थियो । विगतमा धेरै पटक नेप्से ओरालो लाग्दै गर्दा क्यान्डल आकृतिमा लामो पुच्छर बनाएको बेला ओरालो लागेको बजार उकालो लाग्ने गरेको थियो । यसै आधारमा आज बजारमा बटम लागेको अनुमान गर्न सकिन्छ । जुन बजारको लागी भरपर्दो आशाको किरण हो ।

नियमित कारोबार शुरु हुने बित्तिकै नेप्से ५५ अंकले स्वात्तै ओरालो लागेको थियो । तर १५ मिनेट पुग नपुगमै नप्से आजको न्यूनतम विन्दु १९२१।२४ मा पुगे पश्चात थामियो । करिब १२ बजे पश्चात नेप्से उकल्ने क्रम जारी रहयो । अन्तिममा आजको उच्चतम विन्दु २०२०।६६ भन्दा केही तल २०२७।१९ विन्दुमा नेप्से रहि बजार बन्द भयो ।

बिहीबार र आज करिब बराबरको कारोबार भएको छ । करिब दुई अर्ब ५२ करोड बराबरको कारोबार भएको छ । कुल कारोबारलाई १० मिनेटको अन्तरालमा विभाजन गर्दा पहिलो १० मिनेटमा आएको भोलुमले नेप्सेलाई स्वाट्टै तल ओरालो लगाएको छ भने तत्काल दोस्रो १० मिनेटको भोलुमले नेप्सेलाई थप ओरालो लाग्नबाट रोकेर माथी धकेलेको छ । आज दोस्रो १० मिनेटमा तुलनात्मक धेरै भोलुम आएको छ । बांकि अन्य भोलुमले बजारलाई क्रमश उकालो जान सहयोग गरेको छ ।

सेयर बजारलाई प्राबिधिक सूचकहरूवाट हेर्दा,आज बोलिंजर ब्यान्ड (Bollinger Band)को माथिल्लो रेखा तलतिर फर्कन रोकिएको छ । मध्ये र तल्लो रेखा चाहिँ तल तिर नै फर्केको छ ।  गत बिहीबार नेप्से बोलिंजर ब्यान्ड भन्दाबाहिर बसेको थियो भने आज ब्यान्ड भित्र समेटिएको छ । नेप्सेले पुन तल्लो ब्यान्डमा टेवा लिने सम्भवाना देखाएको छ ।

पिभोट फिबोनाची (Pivot Fibonacci)अनुरुप नेप्से पहिलो टेवा रेखा (Support, S1) भन्दा मुनि बसेको छ । नेप्से दोस्रो टेवा रेखा (Support, 2) सम्म पुगेर माथि फर्केको छ । भोलि नेप्सेले पहिलो टेवा रेखा (Support, S1) छिचोलेर माथि गएमा नेप्से २१०० माथि पिभोट तहमा जाने सम्भावना पुन प्रबल हुन्छ ।

 

सेयर बजारमा आम लगानीकर्ताको पनि आवाज र सक्रियता हुनुपर्छ । ठूलो संख्यामा रहेको साना तथा आम लगानीकर्ता आफ्नो गच्छे अनुसार बजारमा सक्रिय सहभागीभईराखेमा ठूलाको एकल बलबुत्ताले मात्र नेप्सेलाई धेरै तल लान सक्दैन ।

(तथ्यांक स्रोतः www.nepalstock.com.npथा www.nepsealpha.com।