भोलुमकाे भारले थेगियाे नेप्सेकाे पहिराे

अघिल्लाे दिन चर्कोसँग घटेको नेप्से केही थामिएको जस्तो देखिएको छ । नियमित कारोबारको समयमा बजार घटने, बढने र घटने क्रम चलिनै रह्यो । शुरुको पहिलो घण्टामा आजको न्यून विन्दु १ हजार ९ सय २२।१३ मा पुगेको नेप्से तेस्रो घण्टामा आजको उच्चतम विन्दु १ हजार ९ सय ४४।११ मा पुगे पश्चात पुन ओरालो लाग्यो । ओरोलो यात्रा थामिदा थामिदै १ हजार ९ सय ३३।८८ विन्दुमा बजार बन्द भयो ।

आजको भोलुम हिजोको तुलनामा करिब ४२% ले घटेर कुल भोलुम ९६ करोड बराबरको रहेको छ ।  भोलुम र नेप्सेले बनाएको क्यान्डलको संकेतलाई १० मिनेटको अन्तरमा हेर्दा, घटाउने भोलुम र बढाउने भोलुम करिब बराबर जस्ताे देखिएकाे छ । बजार बढ्न खोज्दा कतैबाट नियन्त्रित वा प्राकृतिक तवरले घटाउने तत्व कहि न कहिबाट सक्रिय रहेको संकेत गर्दछ । अन्तिम १० मिनेटमा आएको भोलुमले बजारलाई माथि थाम्न प्रयास गरेको छ ।

Figure 1 प्रत्येक १० मिनेटमाभएको कारोबार भोलुम र क्यान्डल बनावट

आज जम्मा ७८ वटा कम्पनीको अन्तिम सेयर मुल्य बढेको छ भने १ सय ९ वटा कम्पनीको सेयर मूल्य घटेको छ । साथै १२ वटा कम्पनीको सेयर मूल्यमा कुनै फेरबेदल भएन । मूल्य घटने र बढ्ने कम्पनी करिब  हाराहारिमा रहेको छ ।

आज सेयर बजारलाई प्राबिधिक सूचकहरूबाट हेर्दा, बोलिंजर ब्यान्ड (Bollinger Band) पुन खुम्चने वा तल तिर फर्कने दुवै संकेत गरेको छ । उल्लेखनीय पक्ष भनेको हिजो नेप्सेले मध्ये रेखामा टेवा लिने अनुमान गरे जस्तै आज नेप्सेले मध्ये रेखालाई टेवा लिएको छ । यसले भोलि नेप्से माथि जान सक्ने सम्भावनालाई बढाएको छ ।

पिभोट फिबोनाची (Pivot Fibonacci) अनुरुप पनि आज पिभोट तहमा नेप्सेले आड लिएको संकेत गरेको छ । भोलि नेप्से पिभोट तह मुनि नजानु बजारको लागी हिटकर रहेको छ ।

बजार घटनेक्रम थामिदै गएमा २ हजारकाे तहमा जान नेप्सेलाई सहज हुँदै जानेछ । प्राविधिकरुपमा बजार घट्नेक्रममा भोलुम घट्नु सकारात्मक विषय हो । नेप्सेलाई थप उचाई तय गर्न अहिले बजारलाई २ हजारको तह पार गर्नु जरुरी रहेको छ ।

बजारलाई १ हजार ८ सय र २ हजारको बिचमा खेलाई राख्ने हो कि भन्ने आशंका पनि रहेको छ । बजार घटेने क्रममा कसरी आफ्नो पुँजीवाट लाभ लिने र चलायमान राख्ने हो ? यसबारे सर्वसाधारण लगानीकर्ताहरु स्मार्ट हुने प्रयास गर्नु हितदाय हुन्छ । बजारलाई ठूला कारोबारीको एकल बलबुत्ताले मात्र बजारलाई धेरै तल लान सक्दैन । साथै माथि लगेर सर्बसाधारणलाई आहात पार्न पनि सक्दैन ।

हर्षद मेहेतसँग सम्बन्धित एक सियरल फिल्म अनुसार “ईश्क हे तो रिस्क हे” । ठूलो संख्यामा रहेको सर्वसाधारण लगानीकर्ताले आफ्नो गच्छे अनुसारको जोखिम लिदै कारोबारमा सहभागी भएमा ठूलाको हालीमुहाली केहि हदसम्म तह लाग्न सक्छ । अहिलेको स्थितिमा बजार बढ्ला र सेयर बेचाैला भनेर बस्नु शुतुर्मुर्गाले दुलोमा टाउको लुकाएर आफू सुरक्षित भनेर महशूस गरे जस्तै हो ।

तथ्यांक स्रोतः   www.nepalstock.com.np   तथा  www.nepsealpha.com।