अरनिको स्मृति दिवसमा १५ कलाकार सम्मानित

राष्ट्रिय विभूति अरनिको स्मृति दिवसका अवसरमा कलाकार र कलालेखकहरु सम्मानित राष्ट्रिय विभूति अरनिको स्मृति दिवसका अवसरमा कलाकार र कलालेखकहरु सम्मानित तथा पुरस्कृत भएका छन् ।

काठमाडौँ महानगरपालिकाका उपमेयर सुनिता डङ्गोलको प्रमुख आतिथ्यमा सो कार्यक्रम सम्पन्न भएको थियो । नेपाल व्यावसायिक कलाकार संघद्वारा आयोजित कार्यक्रममा वरिष्ठ कलाकार हरिप्रसाद शर्मा, विजय थापा, सन्तकुमार शाक्य, श्यामबहादुर श्रेष्ठसहित १५ जना सम्मानित तथा पुरस्कृत भएका हुन् ।

समारोहमा कलालेखनमा ज्ञानेन्द्र विवश, मूर्तिकलामा लक्ष्मण भुजेल, चित्रकलामा सुजनबीर बज्राचार्य, ग्राफिक डिजाइनमा प्रकाश थापा ‘प्रथा’ लगायत मोफसलका कलाकारहरु महेन्द्र राई, गणेश लामा ‘आँसु’, श्रवणकुमार चौधरी आलिाई उपमेयरले सम्मानपत्रसहित पुरस्कार प्रदान गरेकी थिइन् । उपमेयर डङ्गोलले पुरस्कारदाताहरुलाई राष्ट्रिय विभूति अरनिको आकृति अङ्कित मायाको चिनो पनि प्रदान गरेकी थिइन् । कलाकारहरुलाई सम्मानपत्रसहित नगद राशिको शैली र फूलमाला अर्पण गरिएको थियो ।

विभिन्न दाताहरुले स्थापना गरेको १५ वटा पुरस्कार तथा सम्मान १५ जना कलासर्जकहरुलाई सोही समारोहमा प्रदान गरिएको थियो । कार्यक्रममा संघका अध्यक्ष आईबि मल्ल, नेपाल ललितकला प्रज्ञा–प्रतिष्ठानका उपकुलपति लालकाजी लामा, भोला पौडेल, रोशन श्रेष्ठले आ–आफ्नो मन्तव्य प्रकट गरेका थिए । पुरस्कृतहरुका तर्फबाट कलाकार लक्ष्मी लामिछानेले आभार प्रकट गरेकी थिइन् ।