भण्डारीको कथा सङ्ग्रह लोकार्पण

काठमाडौं । कथाकार विष्णु भण्डारी आचार्यको कथासङ्ग्रह ‘उघ्रिएको आकाश’ इटहरी साहित्यिक समूहको ब्यानरमा समूह अध्यक्ष हेमन्त गौतमको अध्यक्षता, डा रमेश घिमिरेज्यूको आतित्थ्यतामा विमोचन गरिएको छ ।

कार्यक्रमका अतिथि झोराहट नाटकघरका अध्यक्ष भरत गुरागाइँ वर्वरिकले भण्डारी कथा लेखन उत्कृष्ट रहेको बताउँदै चाडै यूटुव वाचन तथा नाटकीय रूपमा आफूले अघि सार्ने बताउनुभयो ।

समीक्षक मोहन तिम्सिनाले सामाजिक विकृति विसङ्गतिबाट कथाले एक कदम अगाडि हिँडाएको बताउनुभयो । अर्का समीक्षक प्रा. डा.मोहन तुम्बाहाङले विष्णु भण्डारीको लेखन स्थानीयस्तर नभएर राष्ट्रिय एवं अन्तर्राष्ट्रिय स्तरमै उठ्न सक्ने बताउदै साहित्यिक लेखन क्षमता चिन्न पाएकोमा खुसी प्रकट तथा उत्तरोत्तर प्रगतिको कामना समेत गर्नुभयो ।

कार्यक्रममा वरिष्ट कवि छवि घिमिरे, कथाकार रिता ताम्राकार, डियरकल्याणका अध्यक्ष विनोद घिमिरे, लघुकथाकार निरज कोइराला, उमा सिजापती, साहित्यकार राम खरेल, रेखा सुवेदी, हरि बराल, दिपा मग्राती लगायत विराटनगर, धरान, झापा, मोरङ, धनकुटा, इटहरी, बराहक्षेत्रलगायतका स्थानबाट पाँच दर्जन बढी विशिष्ट साहित्यकारहरुको बाक्लो उपस्थिति रहेको थियो ।