साहित्यकार सरित् विशेष अंकको जनमतद्वारा विर्मस
काठमाडौं । साहित्यकार इन्द्रकुमार श्रेष्ठ सरित् विषयक जनमत विशेष अंकको विर्मस कार्यक्रम सम्पन्न भएको छ । श्रेष्ठको साहित्यिक योगदानको कदर गर्न यो कार्यक्रम गरिएको आयोजक संस्था जनमत मासिकले बताएको छ ।
साहित्यकार श्रेष्ठबारे बोल्दै प्रमुख वक्ता उपप्रा ज्ञाननिष्ठ ज्ञवालीले भनेका छन् श्रेष्ठ बहुप्रतिभाकी धनी भएर पनि उनको हुनुपर्ने जति चर्चा परिचर्चा हुन सकेको छैन् । जनमतले उनको योगदानको बारेमा प्रकाश पारेको छ । अव यसको खोजी राज्यस्तरबाट हुनेमा आफु विश्वस्त रहेको बताए । फरक भाषा शैलीमा लेख्न सक्ने खुवी भएका श्रेष्ठ बाह्य वातावरण धेरै घुममिल नभएका कारण उनको चर्चा कम भएको ज्ञवालीको धारणा थियो ।

कार्यक्रमको प्रमुख अतिथिको रूपमा वरिष्ठ कथाकार भागिरथी श्रेष्ठले इन्द्र बहुप्रतिभाशाली लेखक भएर पनि स्वाभिमानी लेखक भएको बताइन् । उनको यो स्वाभिमानले उनलाई पछिपार्दै लगेको देखिन्छ । अहिले सबै हल्लाको बजार बढ्दै गएको छ । यस्तो अवस्थामा समयसँग रूपान्तरण हुन् उनले श्रेष्ठलाई सुझाव दिएकी छिन् ।
कार्यक्रममा साहित्यका तथा भाषा आयोगका सदस्य डा. पुष्पराज भट्टले आफु जनमतसँग सुदूरपश्चिम देखि जोडिएको र यो संस्थाले साहित्य उत्थानमा गरेको योगदान अविस्मरणीय रहेको बताए । यसरी साहित्यको उत्थानमा लागेको संस्थाको आफु सदस्य भएकोमा गर्वबोध भएको उनको धारणा थियो ।
प्राज्ञ डा. कौशिला रिसालले श्रेष्ठको लेखनमा नारी मातृत्व र ममता बढ्दै गएको बताइन् । आफुले श्रेष्ठबारे पढ्दै आएको भएपनि गहिरिएर उनको लेखनको चिन्तन गर्न पाएकोमा आफु भाग्यमानी भएको बताइन् । विश्वविद्यालयमा जस्तो बढुवाका लागि लेख र समालोचना लेख्नु नपर्ने शिक्षक भएकोले आफु अल्छी बन्दै गएको उजागर गर्दै जिम्मेवारीले लेख्ने अभिप्रेरणा जगाएको उनको भनाइ थियो ।
डा. शैलजा पोखरेलले पुरुष भएर पनि नारीको संवेदना व्यक्त गर्नसक्ने खुवी श्रेष्ठमा छ । त्यही खुवीले पाठकलाई मोहित पारेर पठनमा तानिरहेको बताइन ।
कार्यक्रममा सम्मानीत व्यक्ति श्रेष्ठले आफ्नो बारेमा समालोचना र समीक्षा गरिदिने पन्ध्रजना लेखक साहित्यकारलाई धन्यवाद दिएका थिए । उनले धन्यवादको क्रममा भनेका छ । मैले जे जति लेखे स्वाभिमानपूर्वक लेखे र भोलिका दिनमा पनि यसरी नै लेख्ने बताए ।
कार्यक्रम आयाेजकको तर्फबाट जनमतका प्रधान सम्पादक मोहन दुवालले जनमतले ओझेलमा परेका सबै क्षेत्रका साहित्यकारलाई सम्मान गर्छ । यही अन्तर्गत काठमाडौंमा बसेर पनि मोफसल बनेका श्रेष्ठको विशेष अंक प्रकाशित गरेको बताए ।
कार्यक्रमको संचालन प्राज्ञ सदस्य चेतनाथ धमलाले गरेका थिए । कार्यक्रममा सुशीला प्रधानाङ्ग, हेमनाथ घिमिरे, बोधराज पौडेल, राजु सरकार, श्रीराम राई, ममता मृदुल, राजन प्रसाद न्यौपाने, विनोद कुमार श्रेष्ठ, गोपी कृष्ण प्रसाईं, मदन प्रसाईं, विनोद दाहाल ‘वत्स’ डा. अपर्णा पोखरेललगायत श्रेष्ठका पारिवारिक सदस्यको उपस्थिति रहेको थियो ।




फेसबुकबाट तपाईको प्रतिक्रिया