नेप्सेमा लुकामारीको खेल, २२०० पुग्दै फर्कदै 

नयाँ सरकार गठनपछि आज पाँचौँ पटक नेप्से २२०० पुग्दै फर्केको छ । यो २२०० माथि बस्नलाई शक्ति संचय हो वा पुन ओरालो लाग्ने कथा ब्यथा हो ? भोलि यो साताको अन्तिम कारोबार दिन निर्णायक हुन सक्छ ।

आजको क्यान्डल बनावट हेर्दा हिजो बजारले लामो पुच्छर बनाएको थियो भने आज लामो टुप्पी बनाएको छ । माथिल्लो बाटोबाट तल धकेलिएको छ । यसले बजार २२०० को वरिपरी नाचिरहने हो कि भन्ने आशंका पैदा गर्दछ ।

 

आजको नियमित कारोबार माथिल्लो तर्फ ग्याप ओपनिंगबाट शुरू भएको थियो । यो ओपनिंगको विन्दु नै आज नेप्सेको न्यूनतम विन्दु २१७५।६७ रहयो । तत् पश्चात करिब साढे १२ बजे नेप्से आजको उच्चतम विन्दु २१९९।९३ मा पुगे पछि उकालो ओरालो गर्दै अन्तिममा ओरालो मै बजार बन्द भयो । हिजो भन्दा आज नेप्से १०।३७ अंकले बृद्धि भएको छ ।

अघिल्लो दिनको तुलनामा आज १३% ले भोलुम (कारोबार)बढेको छ । करिब तीन अर्ब ४६ करोड बराबरको कारोबार भएको छ । कुल कारोबार समयलाई १० मिनेटमा बिभाजन गर्दा समान भोलमले नप्से माथि तल भएको छ । अन्तिम १० मिनेटमा तुलनात्मक धेरै भोलुमले बजारलाई माथि थामेको छ । १० मिनेटको अन्तरमा आएकाे कुल सकारात्मक र नकारात्मक भोलुमको संख्या आज बराबर रहेको छ । यसले बजारमा नेप्से घट्ने आंकलन गर्ने समूह र बढने आंकलन गर्ने समूह बिच बराबरीको भएको दर्शाउँछ ।

 

Figure 1प्रत्येक १० मिनेटमा भएको कारोबार भोलुम र क्यान्डल बनावट

सेयर बजारलाई प्राबिधिक सूचकहरूवाट हेर्दा,आज बोलिंजर ब्यान्ड (Bollinger Band)को माथिल्लो रेखा तल तिर फर्केको छ । मध्ये र तल्लो रेखा भने माथि नै फर्केने क्रम जारी नै रहेको छ । ब्यान्ड खुम्चनेक्रममा रहेको छ । नेप्से ब्यान्डभित्र रहेको छ ।नेप्से मध्ये रेखा तर्फ नजिकिदै गएको छ । तल झरेमा टेवा लिन सक्ने स्थान मध्ये रेखा रहेको छ । यसै रेखालाई टेवा लिएर नेप्सेले आफ्नो दिशा परिवर्तन पनि गर्न सक्छ ।

पिभोट फिबोनाची (Pivot Fibonacci) अनुरुप आज पनि नेप्सेले तेस्रोअवरोधक (Resistance, R3)भन्दा माथि नै बसेकोछ । अबरोधक ब्रेक आउटलाई क्रमश valid गरिरहेको छ ।नेप्से पुन ओरालो लागेमा तेस्रोअवरोधक (Resistance, R2) मा टेवा लिन सक्ने छ ।यसले नेप्से ओर्लेमा धेरै तल नजाने सम्भावना प्रकट गर्दछ ।

आज र अघिल्लो ७ कारोबार दिन देखिनै नेप्से sideways मा रहेको छ । यस अवधिमा नेप्से पिभोट फिबोनाची (Pivot Fibonacci) को तेस्रो अवरोधक (Resistance, R3) मा आउदै माथि गएको छ । यस अर्थमा नेप्से जसरी १८०० मुनि जान खोजेन वा  स्मार्ट मनीले नेप्सेलाई थाम्यो, त्यसरी नै नेप्से २१०० को तह मुनि जान खोजेको छैन वा थामेको छ ।

नेप्से उकालो लागेसँगै भोलुम बढेको छ । भोली २२०० को खडकोमा नप्सेको परीक्षा जारी नै रहने छ । नेप्सेले अर्को उचाई लिनलाई यस परीक्षामा सफल हुनु जरुरी छ ।

तथ्यांक स्रोतः www.nepalstock.com.npतथा www.nepsealpha.com