बजारमा उत्साह देखियाे, साँढेले २२०० को तह तोड्यो

३४०० काे लक्ष्य भेटाउन अझैं संघर्ष गर्नुपर्ने

लामाे समयपछि सेयर बजार साँढेमय भएको छ । साथ साथै standard प्राविधिक औजारहरुको सम्भावित संकेतहरुलाई बजारले नकारिरहेको छ । तर पूर्णरुपमा नकारेको अबस्था चाहिँ होईन । ३२०० को तहबाट बजार ओरालो लागेपछि २४०० को तहलाई प्राविधिकरुपमा बजारले टेक्न सक्ने तल्लो तहकोरुपमा लिएको थियो । तर मूलत राजनैतिक परिस्थितिको कारण २४०० को तहमा बजार स्थीर हुन सकेन । यसपछि बजारले पटक पटक १८०० को तहलाई परीक्षण गरी माथि उक्लेको छ । आज बजारले महत्वपूर्ण २२०० को खड्गो पार गरेको छ । यसरी बजार उक्लिनुमा राजनैतिक परिस्थिति नै प्रमुख रहेको छ । अब बजारले २२०० को तहमा कस्तो प्रदर्शन गर्छ यो महत्वपूर्ण रहेको छ ।

शुरुवाती आधी घण्टासम्म नेप्सेले केहि उकालो ओरालो हिडनु पर्यो । यसै समायवधी भित्र नेप्सेले आजको न्यूनतम विन्दु २१६१।०३ लाई भेट्टायो । तत् पश्चात नेप्सेले उकालो लाग्ने लय समात्यो । साढे १ बजेको हाराहारी २१९० तिर अघि पछि गर्दै साँढेले २२०० को विन्दुलाई पार गर्यो । अन्तिम कारोबार समयमा आजको उच्चतम विन्दु २२११।७६ मा नप्से रहि बजार बन्द भयो ।

अघिल्लो दिनको तुलनामा आज ८% ले भोलुम घटेको छ । आज कुल ५ अर्ब ३१ करोड बराबरको कारोबार भएको छ । कुल कारोबार समयलाई १० मिनेटमा बिभाजन गर्दा सकारात्मक (हरियो) भोलुमले नकारात्मक (रातो) भोलुमलाई अधिक मात्रामा जितेको छ । यसबाट हामी आज बजारमा पूर्णतया किन्ने समूहहावी रहेको भन्न सक्छौ । नेप्सेले २२०० को विन्दु कटेपछि बजार घटाउने प्रयास भएता पनि किन्ने समूह अगाडि बढ्दा २२०० मा अबरोध सिर्जना भएन । आज अन्तिम १० मिनेटमा तुलनात्मक उच्च भोलुम आएको छ र नेप्सेलाई माथि धकलेर आजको उच्चतम विन्दुमा पुर्‌याएकाे छ ।

Figure 1 प्रत्येक १० मिनेटमा भएको कारोबार भोलुम र क्यान्डल बनावट

सेयर बजारलाई प्राबिधिक सूचकहरूवाट हेर्दा, आज बोलिंजर ब्यान्ड (Bollinger Band) को माथिल्लो र तल्लो रेखा विपरित दिशा तर्फ फुक्ने क्रम मत्थर भएकोछ भने मध्ये रेखा माथितिर फर्कने क्रम जारी नै रहेको छ । तल्लो रेखा माथि फर्कने संकेत गरेको छ । आज नेप्से ब्यान्ड बाहिर गएर बसेको छ । माथिल्लो रेखालाई पछ्याउदै नेप्से माथि गईरहेको आज नवौ दिन रहेको छ । यसरी धेरै दिन पछ्याईरहने सम्भावना कम हुने गर्दछ ।  नेप्सेमा करेक्सन आउन सक्ने सम्भावना प्रवल रहेको छ ।

 

पिभोट फिबोनाची (Pivot Fibonacci)अनुरुप आज नेप्सेले तेस्रो अवरोधक (Resistance, R3)सम्म नआई माथि नै बसेको छ । यसले अबरोधक ब्रेक आउटलाई पुष्टि गरेको छ । नेप्सेले अर्को उच्चतम उचाई लिने सम्भावना प्रकट गर्दछ । नेप्से २४०० सम्म जाने सम्भावना बढेको छ ।

 

Sector rotation को परिस्थिति बजारमा कायम नै रहेको छ । अस्ति माईक्रो फाईनान्स पछि आज हाईड्रोमा चमक देखिएको छ । बढ्दै गरेको सेयरको मूल्यको टुप्पो पत्ता लगाउनु कठिन छ र यो सर्वसाधारण लगानीकर्ताको वशमा हुँदैन पनि । अति लोभको मनस्थितिमा सर्वसाधारण लगानीकर्ता नरहनु नै हितकारी हुन्छ ।

प्राविधिक विश्लेषण र सूचकले धामी झाँक्रीले जस्तो चामल केलाएर जोखाना हेर्ने होईन । यो अंकलाई गणितीय शुत्रमा धालेर संम्भावनाहरुको संकेत गर्ने विधि हो । प्राविधिक विश्लेषण धुर्व सत्य होईन तर यसलाई पूर्णतया नकार्दा लगानीकर्ताहरु अन्धाधुन अबस्थामा पुग्न सक्छन । बजारमा करेक्सनको स्माव्यतालाई प्राबिधिक सूचकले नकारेको छैन । यसलाई नजर अन्दाज गर्नु उपयुक्त होईन ।

धेरै लोभ गर्दा भुईको टिप्न खोज्दा पोल्टाको पनि खस्न सक्छ । धेरै डराउदा कागले टपक्क टिपेर पनि लान सक्छ । जोखिम र प्रतिफल, सेयर बजारको मूख्य सुन्दर र माथलिंग खल्बल्याउने तत्व हो ।

भोलि नयाँ सरकारले संसदमा विश्वासको मत लिदैछ । राजनैतिक माहौल कस्तो हुन्छ यस दिन फैसला हुदैछ । विश्वासको मत सरकारले प्राप्त नगरेमा सेयर बजार ओरालो लाग्नु पर्ने नियति हुन सक्छ । यो सम्भावना आजसम्मको परिस्थितीमा न्यून रहेको छ । सरकारले विश्वासको मत प्राप्त गरेमा केहि दिन सांढे थप बौहुलाउने पक्का छ ।
तथ्यांक स्रोतः www.nepalstock.com.np तथा  www.nepsealpha.com।