नेप्से १९०० को विन्दुमाथि बस्न संघर्षरत
आजको कारोवारलेनेप्से १ हजार ९ सयमाथि बस्न संघर्ष गरिरहेको प्रतित हुन्छ । हिजो नेप्सेले दुई पटक १ हजार ९ सय विन्दुमाथि जान प्रयास गरेको थियो । आज सो प्रयास सफल भएको छ । भोलुम पनि हिजोको तुलनामा बढेको छ ।
नियमित कारोवारको शुरुको एक घण्टामा नेप्सेको उतार चढाव मत्थर नै रहयो । १२ बजे पश्चात उकालो लागे पनि साढे १२ तिर पुन केहि समय ओरालो लाग्यो । तर ओरालो यात्रा बजार खुलेको विन्दुसम्म नआउनु आजको बजारको मुख्य सकारात्मक पक्ष रहेको छ । करिब पौने १ बजे तिर ओरालो यात्रा रोकिदै सामान्य तलमाथि गर्दै नेप्से हिडिरहयो । यसको करिब १ घण्टा पश्चात नेप्से ठाडो उकालो लाग्यो र १ हजार ९ सय विन्दु नाघेर अन्तिम केहि मिनेटमा संघर्ष गर्दै १ हजार ९ सय ४।४५ विन्दुमा नेप्से रहि आजको बजार बन्द भयो । नेप्से अघिल्लो कारोबार दिनको तुलनामा २१।२९अंक ( १।१३ प्रतिशतले) ले बढेको छ । तलको चित्र हेर्नुहोस् ।

आजकुल कारोबार रकम (भोलुम)ले१ अर्वछुन कोशिस गरेकोछ । कुल भोलुम साढे ९४ करोड ६० लाख बराबरको रहेको छ। कारोवारअघिल्लो दिनको तुलनामा करीब २२ प्रतिशतले बढेको छ ।आज भोलुमले बजारलाई माथी ठेल्ने प्रयास गरेको छ ।
आजको कारोबार रकम (भोलुम) लाई ४ वटा घण्टामा बिभाजन गर्दा अन्तिम एक घण्टामा कुल भोलुमको ५७% भोलुमआएको छ । यस भोलुमले नेप्सेलाई गुणात्मक दरले माथि धकेलेको छ । तलको चित्र हेर्नुहोस् ।

Figure 1 प्रत्येक चारवटा क्रमागत घण्टाको कारोबार भोलुम
आज जम्मा१ सय ४८ वटा कम्पनीको अन्तिम सेयर मुल्य बदेको छ भने ३१ वटा कम्पनीको सेयर मूल्य घटेको छ । साथै ५ वटा कम्पनीको सेयर मूल्यमा कुनै फेरबेदल भएन ।आज मूल्य बृद्दि भएका उत्कृष्ट १० वटा कम्पनीहरु निम्नानुसार रहेको छ । जसमा ४ वटा हाईड्रोपावर कम्पनी, २ वटा विकास बैंक र एक एक वटा लघुवित्त,लाईफ ईन्सुरेन्स, उत्पादन तथा होटल समूहका कम्पनीहरुरहेका छन । यी कम्पनीहरुको अन्तिम सेयर मूल्य बृद्धि ५।७६ देखि ९।८४ प्रतिशतभित्र सीमित रहेको छ ।
आज सबभन्दा धेरै मूल्य घटेका १० कम्पनीहरु निम्नानुसार रहेको छ । जसमा ५ वटा लघु बित्त , ४ वटा हाईड्रोपावर, र एक वटा ईन्सुरेन्स समूहका कम्पनीहरु रहेका छन् । यी १० वटा कम्पनीको मूल्य घटने दर ०।९१ प्रतिशतदेखि ५।२० प्रतिशतमा सीमित रहेको छ । जस अनुरुप बाँकी घटेका कम्पनीहरुको मूल्यकोघट्ने दर कम रहेको छ ।

आज पनि धेरै मूल्य घटने कम्पनीहरुमा लघु बित्तले नै पहिलो स्थान लिएको छ । मिडियामा आईरहेको लघु बित्त कम्पनीहरुको खराब बित्तिय प्रदर्शनको समाचारको क्रमिक असर यसको मूल्यमा परिरहेको छ । नेपालको सेयर बजारमा insider information बाट बजारमा हुने चलखेललाई लघु बित्त कम्पनीहरुको सयेर मूल्यको उतार चढावले पुष्टि गरेको छ । बजारमा भईरहेको यस्तो अबैध चलखेल रोक्न न नियमनकारी सरकारी निकायहरु सक्रिय छन न नियमनकारीलाई चनाखाे पार्दै अर्थ मन्त्रालय तथा अन्य प्रशासनिक निकायहरुले नै यसमा चासो देखाएका छन् । सबै मिलभगत मै रमेको प्रतित हुन्छ ।
सेक्टर (sector wise) उप-सूचकमा आज सबै समूहको उप-सूचकहरु बढेको छ । उत्पादनसमूहको उप-सूचक सबभन्दा बढि ३।१३ प्रतिशतले बढेको छ ।नन-लाईफ ईन्सुरेन्ससमूहको उप-सूचक सबभन्दा कम०।२४ प्रतिशतले बढेको छ ।
आज सबभन्दा बढी रकमको कारोवार शिवम् सिमेन्टको (SHIVAM)भयो । यसको कारोबार रकम करीब १० करोड ९६ लाख बराबरको रहेको छ । दोस्रो हिमालयन डिष्ट्रिलरी (HDL) ले लिएको छ ।आज सबभन्दा बढी कित्ता सेयरको लेनदेन न्यादी ग्रुप पावर कम्पनी (NGPL) को भएको छ । NGPLको ४लाख ९ हजार बराबरको सेयर कित्ता खरिदबिक्रि भएको छ। बिगत केहि दिन देखि शिवमकाे कारोबार रकम करिब समान दरमा भईरहेको छ । साथै कारोबार रकममा पहिलो वा उत्कृष्ट १० भित्र रहिरहेको छ । यसले circular trading भईरहेको संकेत गरेको छ । आजै मिडियाहरुमा SHIVAM को प्रति सेयर आम्दानी आकर्षक दरले बढेको खबर आएको छ ।
आज सेयर बजारलाई प्राबिधीक सूचकहरू वाट हेर्दा, बोलिंजर ब्यान्ड (Bollinger Band)खुम्चन वा फुक्न दुवै खोजेको छैन । तर नेप्सेले बोलिंजर ब्यान्ड (Bollinger Band)अनुरुप सकारात्मक संकेत दिएको छ । नेप्सेले मध्ये रेखा छिचोलेर माथी बस्न सफल भएको छ । यसरी मध्ये रेखामा टेवा लिएर नेप्से पुन उकालो लाग्नुले नेप्से माथि जाने सम्भावनालाई बढाएको छ ।

पिभोट फिबोनाची (Pivot Fibonacci) अनुरुप नेप्सेले पहिलो अबरोधक (resistance, R1)लाई आज छिचोल्न सफल भएको छ । लगभग पिभोट बिन्दुलाई छोएर माथी गएको छ । जुन नेप्से बढने प्रबल संम्भावना बोकेको सकारात्मक संकेत हो । भोली पुन दोस्रो अबरोधक (resistance, R2)छिचोल्न सकेमा नेप्सेको उकालो यात्रा मजबूत हुनेछ । तलको चित्र हेर्नु होस ।

आज भोलुमको चापले नेप्सेलाई माथि धकेलेको छ ।दुवै सूचक औजारहरुले नेप्सेको उकालो यात्राको प्रबल सम्भावना देखाएको छ । केहि हप्ता पछि तरलता सहज हुने बजार हल्ला रहेको छ । राजनैतिकरुपमा पनि देशमा चुनाव भई राजनैतिक स्थीरता आउने सम्भावना धेरै रहेको छ । बैकको ब्याजदर घट्ने हल्ला पनि रहेको छ ।यस अर्थमा ठूला कारोबारीले नेप्से तल धकेल्दै सामान्य तथा साना लगानीकर्ताको सेयर सस्तोमा खोस्ने प्रयास गरेको छैन भन्न सकिने अबस्था छैन ।
तर सामान्य तथा साना लगानीकर्ताहरु भोलि नै हौसिहाल्ने बेला चाहिँ भएको छैन । आफ्नो पोर्टफोलियो अनुसार किनबेचको रणनीति तय गर्दा राम्रै हुन सक्छ । ठूला कारोवारीले गर्न सक्ने bull trap वा death cat bounce प्रति चनाखो हुनु पनि जरुरी हुन्छ ।
(तथ्यांक स्रोतः www.nepalstock.com.npतथा www.nepsealpha.com।
यहांँ उल्लेखित बिश्लेषण बिचारात्मक उदेश्यको लागी मात्र हो । कुनै कारोवारको लागी सल्लाह वा सिफारिस होईन ।)




फेसबुकबाट तपाईको प्रतिक्रिया