नेप्से बोलिंगर ब्यान्ड (Bollinger Band) भित्र

नेप्सेमा निकै तनाबयुक्त उतार चढाब भयो । शुरुको केहि मिनेटमा नप्से उकालो लाग्न खोजेता पनि आधी घण्टासम्म ओरालो लागेर पुन उकालो लाग्यो । उकालो लाग्ने क्रम सवा १ सम्म कायम रहयो । यसबेला नेप्सेले आजको उच्चतम विन्दु १ हजार ९ सय ८७।३२ लाई छोए पश्चात ओरालो यात्रा शुरु गर्यो । ओरालो लाग्ने क्रम कोरोवारको अन्तिम  समयसम्म रहयो । अन्तिम केही मिनेट बाँकी रहँदा नेप्सेले न्यून विन्दु १ हजार ९ सय ५५।२८ लाई छोएर थोरै उकालो लागेर बजार बन्द भयो । आज नेप्सेको अन्तिम विन्दु १ हजार ९ सय ५८।९४ कायम भयो । जुन हिजोको तुलनामा ६।४३ (०।३३ प्रतिशत) ले नेप्से घटेको छ । तलको चित्र हेर्नु होस ।

आजको कारोबार भोलुम उत्साजनक रहेता पनि, नेप्से घटेको छ । करीब २ अर्ब १० करोड बराबरको कारोबार भएको छ, जुन अघिल्लो कारोबार रकम भन्दा ३६ प्रतिशतले बढी हो ।

आजको कारोबारलाई ४ वटा घण्टामा बिभाजन गर्दा अन्तिम एक घण्टामा कुल कारोवारको ३३ प्रतिशत कारोबार भएको छ । कारोबार समयलाई बराबर दुई दुई घण्टामा बिभाजन गर्दा पछिल्लो दुई घण्टामा कुल कारोबार रकमको ५६ पर्तिशत बराबरको कारोबार भएको छ । यस अर्थमा आजको पछिल्लो कारोबार चापले नेप्से घटन सहयोग पुगेको छ ।जस अनुसार लगानीकर्ताहरु घट्दो मूल्यमा सेयर बेच्न तयार भएको देखिन्छ ।लगानीकर्ताहरुमा पुन नेप्से घटने हो कि भन्ने मनोविज्ञान हाबी भएको अनुमान गर्न सक्छौ । तलको चित्र हेर्नु होस ।

Figure 1प्रत्येक चारवटा क्रमागत घण्टाको कारोबार भोलुम

आज ५६ वटा कम्पनीको अन्तिम सेयर मुल्य बदेको छ भने १ सय २६ वटा कम्पनीको सेयर मूल्य घटेको छ । ४ वटा कम्पनीको अन्तिम सेयर मूल्य फेरबदल भएन ।

आज मूल्य बृद्दि भएका १० उत्कृष्ट कम्पनीहरु निम्नानुसार रहेको छ । जसमा, ५ वटा हाईड्रोपावरकम्पनी, ४ वटा लघु वित्त र एकवटा लाईफ ईन्सुरेन्स कम्पनीरहेका छन । उत्कृष्ट १० कम्पनीहरुको अन्तिम सेयर मूल्य बृद्धि २।३७ देखि ८।१३ प्रतिशतभित्र सीमित रहेको छ । साथै मूल्य बृद्दि भएका बाँकी कम्पनीको सेयर मूल्य बृद्दि सामान्य मात्र रहेको छ ।

आज सबभन्दा बढी मूल्य घटेका १० कम्पनीहरु निम्नानुसार रहेको छ । जसमा ७ वटा लघु वित्त, २ वटा हाईड्रोपावर र एक वटा उत्पादन कम्पनी रहेका छन् । यी १० वटा कम्पनीको मूल्य घटने दर ३।२४ प्रतिशतदेखि ५।७० प्रतिशतमा सीमित रहेको छ । जस अनुरुप कुनै पनि कम्पनीको मूल्य चर्कोसँग घटेको छैन ।

 

हिजो मूल्य बृद्दि हुने उत्कृष्ट १० मा नौवटा लघु वित्त कम्पनीहरु रहेका थिए भने आज सबभन्दा धेरै घटनेमा ७ वटा लघु वित्त कम्पनीहरु रहेका छन । आज बिहानै देखि केहि लघु वित्त कम्पनीहरुको वित्त प्रगति राम्रो नभएको समाचारहरु बिभिन्न मिडियामा आईरहेको थियो । जस अनुरुप हामी लघु वित्त कम्पनीहरुको भित्री सूचनामा पंहुच भएकाले हिजो लघु वित्त कम्पनीहरुको सेयर मूल्यमा चलखेल गरेको अनुमान गर्न सक्छौ ।

सेक्टर (sector wise) सूचकमा लाईफ ईन्सुरेन्ससमूहको सूचक सबभन्दा बढी नगन्य ०।५१ प्रतिशतले बृद्दि भयोभने उत्पादनसमूहको सूचक सबभन्दा धेरै १ दशमलब २१ प्रतिशतले घट्यो ।

आज सबभन्दा बढी कारोवार जालपा लघु बित्त संस्थाको (JALPA)भयो । यसको कारोबार करीब १५ करोड बराबरको रहेको छ । दोस्रो स्थान चाहिँ शिवम सिमेन्टको रहेको छ । हिजो पहिलो रहेको NESDO  आज तेस्रोमा झरेको छ ।आज पनि सबभन्दा बढी कित्ता सेयरको लेनदेन हिमाल दोलखा हाईड्रोपावर कम्पनी(HDHPC) को भएको छ । HDHPC को दुई लाख ३५ हजार बराबरको सेयर कित्ता खरिदबिक्रि भएको छ।

सेयर बजारलाई प्राविधिक सूचकहरू वाट हेर्दा, बोलिंगर ब्यान्ड (Bollinger Band) पुन फुक्ने क्रम जारी नै रहेको छ । उल्लेखनीय पक्ष, हिजो बाहिर गएको नेप्से बिन्दु पुन बोलिंगर ब्यान्ड (Bollinger Band)भित्र आएको छ । यानी नेप्सेले बोलिंगर ब्यान्ड (Bollinger Band) को मान्यतालाई पछ्याएको छ । माथिल्लो रेखामै नप्से बस्नु सकारात्मक संकेत हो । तलको चित्र हेर्नुहोस ।

पिभोट फिबोनाची (Pivot Fibonacci) अनुरुप नेप्सेले तेस्रो अबरोधक (resistance, R3) १ हजार ९ सय ५० लाई तोडेपछी पनि माथि नै बस्न सफल भएको छ । आज आएको सामान्य केक्सन सकिएर भोली नप्से पुन माथि गएमा नेप्सेले अर्को उच्च तह छुन जाने सम्भावना प्रबल रहन्छ । जुन २ हजार २ सय तिरको तह हुन सक्छ । यदि नेप्से झरेमा यहि तेस्रो अबरोधक (resistance, R3) मा आड (Support) लिने सम्भावना रहन्छ ।आज बनेको क्यान्डलले नेप्से माथि नै जाने सम्भवना कम रहेको देखाएको छ ।  तलको चित्र हेर्नु होस ।

बजार उकालो ओरालो लाग्नु स्वभाबिक नै हो । बोलिंगर ब्यान्ड (Bollinger Band) को मान्यतालाई मान्दा आज बजार केहि अंकमा झर्नु स्वभाविक नै हो । तर अन्तिम दुई घन्टाको कारोवारमा नेप्सेसँगै भोलुम बदनुले दुईवटा बिषयलाई संकेत गर्दछ । १) ठूला खेलाडीले पम्प एण्ड डम्प गरेको २) लगानीकर्तामा पुन बजार घटने मनोविज्ञानले जरो गाडेको ।

केहि झरेर बजार पुन उकालो लाग्नु बजारको लागी निकै सकारात्मक संकेत मानिन्छ । भोलि आजको भोलुम पछ्याउदै उकालो लागेमा बजारको माथिल्लाे यात्रा झन मजबूत हुदै जानेछ ।यो साता यसरी नै कारोवारको भोलुम र नेप्सेको उकालो यात्रा निकै नै आवश्यक छ, नेप्सेको बियरिस यात्रा टुंगिनको लागी । (याे हिजाेकाे अपडेट हाे । प्राविधिक कठिनाइका कारण आज प्रस्तुत गरिएकाे छ ।)

(तथ्यांक स्रोतः www.nepalstock.com.npतथा www.nepsealpha.com।

यहाँ उल्लेखित बिश्लेषण बिचारात्मक उदेश्यको लागी मात्र हो । कुनै कारोवारको लागी सल्लाह वा सिफारिस होईन ।)