जितको उज्यालो भयो लोकार्पण

काठमाडौं । कवि तारा खत्री रोकायाको जितको उज्यालो कृतिको लोकार्पण कार्यक्रम सम्पन्न भएको छ । पुतलीसडकस्थित ग्रीन लिफ क्याफेमा आयोजित एक कार्यक्रमबीच खत्रीको कृति विमोचन गरिएको हो ।

विमोचित कृतिमाथि आफ्नो धारणा राख्दै डा. हेम भण्डारीले कविताको लेखन र यसमा प्रयोग भएका तत्वहरू फरक हुन सक्छन् तर सबै कविको कवितामा एउटै ध्वनी हुने भन्दै प्रेम, विछोड र पर्या चेतनाले कविताको मन उज्यालो पारेको बताए ।

अर्का बक्ता युवराज नयाँघरेले आफूपूर्व कवि भएको बताउँदै कविता हरेक लेखकको सुरुवाती रचनाको जग भएपनि यो साह्रै चुनौतीपूर्ण रहेको बताए । र कविताले जुन लक्ष्य भेदन गर्छ त्यो अन्य रचनाबाट संभव नहुने तर्क राखे । एउटा सिंगो कृतिलाई छोटो पारेर बोन्साइमा रूपान्तरण गर्न नहुने धारणा राखे ।

सन्ध्या पहाडीले खत्रीका कवितामा मानवीय भाव, राजनीति चेत र सामाजिक उत्तरदायित्व रहेको बताइन ।

वक्ताहरूको विचारलाई बुझ्ने हो भने ताराका कविताले सामाजिक रूपान्तरण र चेतनाको वीजाङ्कुर गर्ने लक्ष्य राखेको बुझ्न सकिन्छ ।

बाबा बस्नेतले शुभकामना मन्तव्य राख्दै नारीले समयको व्यवस्थापन गर्दै घरको संघार नाँघेर मनको संघार नाप्नु पर्ने अवस्था अझै रहेको बताइँन ।

कार्यक्रमको शुभकामना मन्तव्य डा यादेवी ढकालले राखेकी थिइँन् ।

नेपाल प्रज्ञा पतिष्ठानमा कुलपति भुपाल राईको प्रमुख आतिथ्यतामा कार्यक्रम सम्पन्न भएको हो । कार्यक्रमको अध्यक्षता रावासावा प्राज्ञिक समाजका अध्यक्ष बम बानियाँले गरेका थिए । कार्यक्रमको उद्घाटन सत्रको संचालन संस्थाका महासचिव भरत मगर र विमोचन सत्रको संचालन प्राज्ञ चन्द्र रानोहँछाले गरेका थिए ।
कार्यक्रममा प्राज्ञिक समाजका पदाधिकारी र नेपाल प्रज्ञा प्रतिष्ठानका सदस्य सचिव डा. धनप्रसाद सुवेदी, अग्रज कवि रामबिक्रम थापा, बोधराज पौडेल, भागवत ढकाललगायत साहित्यकारहरूको बाक्लो उपस्थिति रहेको थियो ।